Eiði eigur størstu framgongdina

Allar tær sjey kommunurnar í Eysturoy – íroknað Sunda kommunu sum eisin fevnir um bygdir í Streymoy – hava fyrra hálvár fingið meiri inn í kommunuskatti, enn tær fingu sama tíðarskeið í fjør.

Størsti vøksturin er í Eiðis kommunu, sum umframt Eiði fevnir um bygdirnar Ljósá og Svínáir.

Sammett við í fjør er skattainntøkan í Eiðis kommunu 12,29 prosent hægri fyrra hálvár, enn hon var tað sama tíðarskeið í fjør. Tað svarar til 1,11 milliónir krónur.

Næststørsti vøksturin í Eysturoy er í Nes kommunu, sum fevnir um bygdirnar Toftir, Nes og Saltnes. Har var skattainntøkan fyrra hálvár í ár 7,73 prosent hægri, enn hon var í fjør. Meirinntøkan í Nes kommunu er 2,08 milliónir krónur.

Meirinntøkan í skatti fyrra hálvár í ár sammett við sama tíðarskeið í fjør – lutfalsliga og í krónum:

-