Íslendska Eimskip fekk í vikuni eitt nýtt frystifarmaskip. Sum siður er, hevur nýggja skipið fingið navn eftir einum fossi. Tað eitur Dalfoss eftir einum fossi í Vatnsdalsá í Íslandi.
Dalfoss er bygt á skipasmiðjuni Myklebust Verft í Noregi. Skipið er 82 metrar langt, 16 metrar breitt og gongur 16 míl. Tað er styrkt til at sigla í ísi.
Morgunblaðið skrivar, at felaqgið Eimskip-CTC, sum er skrásett í Noregi, skal reka Dalfoss.
