Uttanríkisráðharrarnir í G7-londunum fordøma nú í einari felags útsøgn royndarskjóting av langtberandi rakettum í Norðurkorea.
Londini siga, at skjótingin er ein álvarslig hóttan móti tryggleikanum í grannalondunum og altjóða friði.
Tað er tíðindastovan Reuters, sum ber hesi tíðindi í dag.
G7-londini halda, at ST trygdarráðið eigur at gera nýggjar metingar av royndarskjótingini hjá Norðurkorea.
Tað var fríggjadagin, at Norðurkorea royndarskeyt eina langtberandi ballistiska rakett, og nú fordøma uttanrikisráðharrarnir í G7-londunum hesa royndarskjóting.
