Fjórðingsfinalurnar í heimsins elstu fótbóltskapping, FA Cup steypakappingini í Onglandi vóru leiktar í dag og ígjár.
Manchester City-Burnley 6-0 (2-0)
Brighton-Grimsby 5-0 (1-0)
Sheffield United-Blackburn 3-2 (1-1)
Manchester United-Fulham 3-1 (0-0)
Liðini úr Manchester møtast í finaluni um tey liva upp til sína favorittstøðu.
Manchester United fær tó eina torførari hálvfinalu. Teir møta Brighton í hálvfinaluni, meðan Manchester City møtir Sheffield United, ið spælir í næstbestu deildini.
Hálvfinalurnar vera leiktar á Wembley leikvøllinum í London 22. og 23. apríl.
Vinnararnir møtast í finaluni, ið verður leikt 3. juni.