At byggja eina bingjuhavn beint frammanfyri Skansan, er ein vanlukka fyri Havnina Tað heldur Kaj Leo Holm Johannesen, løgmaður. Á Facebook í morgun helt hann, at tað hevði verið vert at kanna eftir um tað ikki var eitt hugskot at bygt eina havn í Eysturoy fyri 150 milliónir krónur, heldur enn risastóru byggingina frammanfyri Skansan í Havn fyri 400 milliónir. Hann vísir á, at Eysturoyartunnilin er á veg og tá er stutt ímillum havnirnar. Við Kringvarpið í Havn helt hann, at Eysturoyggin var eitt gott boð upp á eina meginhavn fyri alt landið. Hann heldur, at sigur, at vit kunnu ikki brúka 400 milliónir upp á eina havn í Havn, tá ið ein betri havn kann gerast bíligari í Runavík. Samstundis eru stór virki í Eysturoy og Norðoyggjum og tað býður honum ímóti at leggja eina bingjuhavn bein frammanfyri Skansan.
Hetta fekk borgarstjóran í Havn, Heðin Mortensen, at loysa frá posabandinum og biðja løgmann halda fingrarnar vekk. Samstundis verður løgmaður skuldsettur fyri at vilja taka livibreyðið frá 700 familjum í Havn, sum onkusvegna hava tilknýti til Tórshavnar Havn. - Eg trúði at eg sum borgari í høvuðsstaðnum, har sum eg eri føddur og uppvaksin, og sum løgmaður kundi hava eina meining, sigur løgmaður - Tað er eingin skomm at bakka, men at byggja eina bingjuhavn frammanfyri skansan er ein vanlukka fyri býin, sigur løgmaður nú seinnapartin.
|
