Týski samveldiskanslarin, Olaf Scholz, sum saman við øðrum evropeiskum ríkisleiðarum nýliga hevur vitjað í ukrainska høvuðsstaðnum, Kyiv, er ikki bjartskygdur um eina friðarloysn í krígnum.
- Ein friðarloysn er langt burtur, tí russiski forsetin, Vladimir Putin, heldur framvegis, at hann kann tvinga eina friðarliga loysn millum londini, segði samveldiskanslarin í týska tjóðartinginum.
Í hesum liggur sjálvsagt, at ein slík loysn byggir á treytir, sum Russland setir - og ikki á rættindini hjá Ukraina sum sjálvstøðug tjóð.
Olaf Scholz legði dent á týdningin av, at vestanlond heilhjartað stuðlað Ukraina.
- Tað er týdningarmikið, at vit halda fast um revsititøkini móti Russlandi, og at hildið verður fram við vápnaveitingum til Ukraina.
Samveldiskanslarin legði eisini dent á týdningin av, at vesturheimurin heldur fram við at veita Ukraina fíggjarliga hjálp - heilt til Putin sær sítt ovurmikla mistak, sum hann tók til.
