Reyðlittu fuglfirðingarnir høvdu tamarhald á dystinum fyrstu løtuna.
Men so tók heimaliðið yvir og spældi sannførandi restina av dystinum.
SÍ vann greitt 3-0, tá ÍF vitjaði í Sørvági.
Verjuparturin hjá heimaliðnum kom ikki væl frá byrjan, men spældi seg so líðandi upp. Serliga riggaði blokkurin væl.
Álopsspælið hjá SÍ var hugflogsríkt. Heimaliðið hevði sjáldan sama uppspæl, og fuglfirðingar stóðu ofta bara og hugdu at, tá bólturin varð bukaður niður í gólvið hjá teimum.
Hóast ungi hópurin hjá SÍ ikki hevur spælt í fleiri ár í bestu deildini tilsamans, so merkist tað als ikki um vikuskiftið.
Tí kom Ragnar Petersen, sum hevur tikið við venjarastarvinum hjá SÍ í summar, væl frá byrjan.
Ternan manglar royndirnar
Ternan tók fleiri skeivar avgerðir, sum var tekin um manglandi royndir millum tær bestu, tá liðið av Toftum spældi sín fyrsta dyst í bestu kvinnudeildini
Sóleyð Troleis og Katrin Olsen hava drúgvar royndir úr bestu deildini.
Annars eru spælararnir ikki serliga royndir hjá Ternuni.
Tað merkist væl í vikuskiftinum, tá TB vann móti uppflytarunum av Toftum.
Heimaliðið var ikki serliga sannførandi í sínum spæli. Serliga fyrstu løtuna gjørdu tær fleiri mistøk, sum gestirnir ikki gjørdu sær dælt av. Móttøkurnar vóru ikki upp á pláss, men tað eydnaðist ofta at fáa bóltin yvir um netið, hóast tað.
Úrslitið var 3-2, og Ternan prógvaði tí, at liðið fer helst at gera um seg, hóast toftakvinnur júst hava vunnið sær pláss í bestu deildini.
Royndirnar á muni
Tað vóru royndirnar, sum var mest eyðsýndur munurin.
Heimaliðið helt høvdið kalt í trýstu støðunum. Tað merkist fremst av øllum, at TB hevði spælarar, sum vildu taka ábyrgd og royndi at avgera dystin.
Serliga var Guðrið Nolsøe eyðsýnd í álopspælinum hjá heimaliðið, og hon, saman við Mariu Rasmussen royndi at skumpa ungir tær ungu í verjupartinum.
SÍ - ÍF 3-0
(25-11, 25-18 og 25-16)
TB - Ternan 3-2
(25-15, 14-25, 19-25, 25-19, 15-7)
