- Eingin veit á morgni at siga, hvar hann á kvøldi gistir. Tað máttu vit aftur sanna, nú Jón Dahl Joensen fór um sýnina, alt ov ungur, bert 49 ára gamal.
Tað skrivar Karl Birgir Isaksen, sum eigur og rekur KBI-fyritøkuna í Klaksvík, á sínari facebook-síðu.
- Ikki hugsaðu vit í september, at tað var síðstu ferð, vit hittust. Hesin róligi, fryntligi álitismaður og maskinchefur á ferðamannaskipinum Oasis of the Seas, sum hann var so stoltur av og eisini var við til at byggja, vísti okkum stórt gestablídni á ferðini.
Og Karl Birgir Isaksen endar við hesum orðum:
- Tankar okkara eru hjá teimum, sum mist hava. Ærað verið minnið um Jón.
