- Í løtuni eru bara frystilínuskip til fiskiskap, men væntandi fer okkurt ísfiskalínuskip út aftur í næstum.
Tað vita tey á Fiskamarknaði Føroya at siga í dag.
Víst verður á, at seks frystilínuskip eru undir Føroyum í løtuni, og eitt er í altjóða sjógvi.
- Skipini fáa mest av longu og brosmu, verður lagt aftrat.
Um útlitini til útróður verður sagt, at streymurin verður góður, og veðrið verður helst eisini brúkiligt.
- So, helst verður nakað av útróðri, men fiskiskapurin hjá útróðrarbátum er vánaligur.