Eldur er í einum oljutangaskipi hjá sveisiska flutningsrisanum, Trafigura, og hernaðarligi Houthi-bólkurin í Jemen hevur tikið ábyrgdina av álopinum á skipið.
Skipið varð álopið, meðan tað var statt einar 110 kilometrar í ein landsynning úr havnarbýnum, Aden.
Tað var fyrr í kvøld, at bretska tryggingarfelagið Ambrey boðaði frá, at eitt handilsskip er álopið, og at eldur var í skipinum.
Sambært tryggingarfelagnum hevur eingin av manningini fingið skaða.
Sambært Houthi-bólkinum er talan um oljutangaskipið, Marlin Luanda, sum er álopið, og hernaðarligi bólkurin heldur upp á, at skipið er bretskt.
Eitt talsfólk fyri sveisiska flutningsrisan, Trafigura, sigur fyrr í kvøld, at skipið er teirra, og at eldur er í Marlin Luanda, sum er rakt av rakett.
- Felagið visti eisini at siga, at eldsløkkiútgerðin umborð er í gongd, og tað er í stýriborðssíðu, at eldurin er, skrivar eitt nú tíðindamiðilin, NTB.
##med2##
