Hóast eldskaðin kanska ikki er so umfatandi í handlinum Bónus, so er roykskaðin sera stórur.
Mangt bendir á, at eldurin er kyknaður í hølinum, har fløskuautomatin er. Har eru smogur til rusk, og í gjøgnum hesar smogur er opið inn á goymsluna.
Hóast tíðindini ikki eru váttað, so ganga søgur á staðnum um, at eldurin kann vera ásettur.
Enn hava vit ikki fingið upplýst, júst hvar eldurin var. Hann var ikki inni í sjálvum handlingum, men á goymsluni og í hølinum við fløskuautomatini.
Sløkkiliðsmenn trillaðu fleiri plattar út við logandi wc-pappíri og køkspappíri.
Í sjálvum handilinum var tjúkkur roykur, og tí verður mett, at roykskaðin er sera stórur. Alt má uttan iva út úr handlinum.
Niðanfyri eru fleiri myndir av hendingini
