Meðan systkinabarnið, Jana Mittún og liðfelagar hennara stríddu Føroyar til sigurs móti Spania, spældi Elias Ellefsen á Skipagøtu saman við liðfeløgunum í THW Kiel dyst á útivølli í týsku bundesliguni móti Eisenach.
Hóast Kiel var greiður favorittur, so endaði dysturin í Werner-Assmann Halle við javnleiki 27-27. Í steðginum var Kiel á odda 14-12.
Elias skoraði seks mál upp á 12 málroyndir, og hann legði eisini upp til fýra mál. Elias hevði eisini tvey "steals". Tað er tá ein leikari fangar bóltin frá álopinum hjá mótstøðuliðnum.
Kiel er triðfremst í deildini við 21 stigum. Teir hava tvey stig upp til oddaliðið, Magdeburg sum tó hevur spælt tveir dystir færri enn Kiel.
Týskvøldið klokkan 19.45 spælir Kiel seinasta dystin í bólki B í EHF European League. Á vitjan í Wonderino høllini í Kiel kemur franska liðið, Montpellier. Bæði liðini hava longu vunnið seg víðari til høvuðsumfarið.
