Elias Ellefsen á Skipagøtu var í kvøld toppskjútti hjá Sävehof, ið vann 32-25 á útivølli á Alingsås í seinnu hálvfinaluni í svensku steypakappingini.
Sävehof hevði eina leiðslu uppá 35-21 frá fyrra dystinum í Partille, og í kvøld var Sävehof á odda 19-10 í steðginum, og tí høvdu teir ráð at seta ferðina nakað niður í seinna hálvleiki.
Talan gjørdist um ein samlaðan 67-46 fjórðingsfinalusigur til Sävehof.
Týskvøldið klokkan 17.45 skulu Elias og liðfelagarnir spæla ársins dyst tá týska stórliðið, Magdeburg vitjar í Partille at spæla dyst í EHF European League.
