96 ára gamla Elizabeth drotning er sjúk. Læknar stúra fyri heilsu hennara og mæla til, at hon verður undir læknaeftirliti, sigur Buckingham Palace í dag.
– Drotningin er trygg á slottinum Balmoral, stendur í fráboðan frá hóvnum.
Ein kelda á Buckingham Palace vísir aftur gitingum um, at drotningin skal vera dottin.
Monarkurin mátti í gjár avlýsa ein videofund við fleiri ráðharrar, eftir at læknar hennara høvdu mælt henni til at binda frið.
Bretska BBC er farið til støðugt at umrøða heilsustøðu hennara.
Nýggja forsætisráðfrúan, Liz Truss, sigur í fráboðan:
– Tankar mínir – og tankar fólksins – er hjá hennara hátign drotningini.
Familjan er kunnað, og Charles prinsur og Camilla eins og William prinsur eru á veg til Balmoral at vera hjá drotningini.
Slotti Balmoral er í eystara parti av Skotlandi.
Liz truss var týsdagin seinnapartin á siðbundna fundinum við Elizabeth drotning á Balmoral, har hon á einum hálva tíma fundi við monarkin fekk litið í hendur at skipa stjórn. Truss varð harvið nýggj forsætisráðfrú í Bretlandi.
Drotningi hevði stutt frammanundan fundin við Truss góðtikið umbøn frá Boris Johnson um at leggja frá sær.
Vanliga fer valdsskiftið fram á Buckingham Palace í miðbýnum í London, har fráfarandi og komandi stjórnarleiðari fara á stutta vitjan hjá drotningini.
/ritzau/Reuters
