Fyrradagin spældi Póland venjingardyst móti Ukraina: Ein dystur sum pólendingar vunnu 3-1.
Men tað gjørdist ein dýrur sigur fyri Póland, ið er í torførum innleiðandi EM-bólki saman við Fraklandi, Niðurlondum og Eysturríki.
Juventus-áleyparin, Arkadiusz "Arek" Milik fekk ein knæskaða undir dystinum móti Ukraina, og tí verður hann ikki við í EM-hópinum hjá Pólandi.
Havandi í huga torføru mótstøðuna, ið bíðar Pólandi verður Arek Milik hjá Pólandi at vera fyri uttan.
Hetta er aðru ferð á rað, at skaðar halda Arek Milik burtur frá at kappast í einum EM-endaspæli fyri Póland. Seinast var til EM-endaspælið í 2021, so Arek Milik má sigast at vera sera óheppin.
Arek Milik var við í báðum EM-undankappingardystunum móti Føroyum. Póland vann báðar dystirnar móti Føroyum 2-0. Arek Milik var ikki millum málskjúttarnar í dystunum móti Føroyum.
Á Instagram skrivar Arek Milik, at hann er sera harmur um, at hann ikki kann hjálpa landi sínum til komandi EM-endaspælið.
##med2##
