Seinastu fleiri ferðirnar hevur Erla Kongsdóttir ikki verið at kent aftur, tá ið havt verður í huga, hvussu væl tær úr Fuglafirði hava staðið seg undanfarnu árini og eisini tíðliga í ár.
Firvaldur hevur verið drúgvastur seinastu ferðirnar, og tær av Tvøroyri vórðu roknaðar at vera favorittar undan dagsins róðri á Miðvági.
Men soleiðis tørnaði tað ikki út.
Erla Kongsdóttir var í gamla og eyðkenda lagnum, Erla Kongsdóttir legði seg skjótt á odda, og flogið hjá kvinnunum úr Fuglafirði var tað besta ímóti lotinum, sum als ikki er tað nú, sum tað var fyrr í dag, tá ið tað varð neyðugt at útseta barnaróðurin til í morgin.
Tað var ein stór bátslongd frá Erlu Kongsdóttir og aftur til Teklu, og frá Teklu og aftur til Firvald var tað bara ein skutur.
Nú eru Erla Kongsdóttir og Firvaldur stavn um stavn í FM kappingini við 32 stigum í part. Tað ber við sær, at sannlíkindini eru heilt góð fyri, at FM vinnarin ikki verður funnin fyrr enn á ólavsøku.
Erla Kongsdóttir | 05:14.27 | 7 | 0 | 0 | |
2 | Tekla | 05:17.34 | 6 | 0 | 0 |
3 | Firvaldur | 05:18.37 | 5 | 0 | 0 |
4 | Tjaldrið | 05:22.15 | 4 | 0 | 0 |
5 | Tambar | 05:31.06 | 3 | 0 | 0 |
6 | Blikur | 05:32.03 | 2 | 0 | 0 |
7 | Malunarhav | 05:36.17 | 1 | 0 | 0 |
8 | Spógvin | 05:39.05 | 0 | 0 | 0 |
9 | Báran | 05:42.03 | 0 | 0 | 0 |
10 | Tarvurin | 05:44.08 | 0 | 0 | 0 |
11 | Ritan | 05:49.20 | 0 | 0 | 0 |
12 | Junkarin | 05:51.34 | 0 | 0 | 0 |