Maxus er ein av nýggju elbilunum á føroyska marknaðinum. Vit kenna Maxus vørubilarnir eDeliver og tann stóra 7-persónabilin, Euniq 5.
Sum navnið Maxus sipar til, eru elbilarnir stórir og rúmligir. Nú er so tann nýggjasti elektriski Maxus Euniq 6 SUV ávegis á føroyska marknaðin.
Talan er um ein stóran 5-persóna SUV við góðum plássi til tey ferðandi í bilinum og viðførisrúmi, sum rúmar heilar 754 litrar.
Bilurin hevur millum annað fulla Led-tøkni, 18” aluminiumsfelgur, elektriskt panorama sóltak, stóran innbygdan touch-skíggja við Apple CarPlay og DAB+.
##med2##
Tann stóri familjubilurin hevur eitt battarí á 70 kWt. og koyrir upp til 465 km við einari løðing.
Maxus er partur av stóru SAIC-konsernini, sum er størsti framleiðari av bilum í Kina.
Tað er bilasølan Komfortbilar í Smiðjugerði, sum umboðar Maxus í Føroyum. Prísurin verður úr kr. 449.900 við mvg.
##med3##