##med2##
Skála hevur lagt seg trygt á sætta plássið í ongamannalandi við einum 2-1 sigri á ÍF. Ronni Møller Iversen skoraði sigursmálið fyri Skála tá fýra minuttir vóru eftir av vanligu leiktíðini.
Í fyrra hálvleiki var støðan 1-1. Pætur Dam Jacobsen legði Skála á odda í 13. minutti. Lítla løtu seinni javnaði Dávid Langgaard fyri ÍF.
Høvuðsvenjarin hjá Skála, Eyðun Klakstein er sera fegin um, at tað eydnaðist Skála at vinna 2-1, tí hann helt, at ÍF royndi at brúka ov nógva tíð at taka ferðina úr dystinum.
Høvuðsvenjarin hjá ÍF, Hans Jørgen Djurhuus iðrar seg um, at ÍF misti eitt stig móti dystarenda. Hann heldur, at spælararnir stríddust væl, og vístu góðan hugburð.
