Fremst á nýggju 20- og 10-krónumyntunum er ein andlitsmynd av kongi, sum listakvinnan Eva Hjort hevur gjørt. Á baksíðuni er skjøldurin og krúnan frá kongsmerkinum.
Á nýggju 5-, 2- og 1-krónumyntunum sæst eitt spildurnýtt ikon, sum ikki hevur verið brúkt á donskum myntum áður.
Talan er um ein áttakant, sum ímyndar sniðið á Amalienborg Slotstorginum.
Áttakanturin er endurtikin fýra ferðir fyri tey fýra slottini og samanbundin til at mynda ein form.
Sambært sniðgevaraleiðaranum í Tjóðbankanum, Jeanette Skov Jensen, vísir hetta til Amalienborg og slotstorgið "sum savningarstað fyri kongsfamiljuna og fólkið".
Hon stendur aftan fyri sniðgevingina av nýggju myntunum, sum eru framhald av verandi myntrøð og hava somu støddir, snið og tilfar.
Nýggju myntirnir eru framleiddir í kjalarvørrinum av trónuskiftinum í 2024.
Eitt trónuskifti merkir, at nýggir myntir skulu gerast, sum sitandi kongurin er avmyndaður á.
Tí varð eitt størri framleiðsluapparat eisini tikið í nýtslu á Tjóðbankanum, tá Margretha drotning brúkti sína nýggjársrøðu í 2023 til at boða danska fólkinum frá, at hon fór at lata soninum trónuna.
Tað er ábyrgdin hjá Tjóðbankanum at fáa danskar myntir sniðgivnar, men sitandi kongurin skal hava góðkent vangamyndina, áðrenn teir verða settir í hópframleiðslu.
50-oyrað er einasti myntur, sum ikki er farin undir umskapan í sambandi við framleiðsluna av nýggju myntunum.
Tað er einasti myntur, sum ikki ber symbol, sum vísa til sitandi regentin.
##med2##
Bæði teir gomlu, núverandi myntirnir og teir nýggju myntirnir verða galdandi gjaldsmiðlar í framtíðini. Tað leggur høvuðskassameistarin í Tjóðbankanum, Niels Kaas, dent á í tíðindaskrivi og leggur afturat:
- Við nýggju myntunum halda vit fram við eini aldargamlari siðvenju at hava andlitsmyndina av sitandi regenti á framsíðuni á teimum stóru myntunum. Vit fylgja eisini siðvenjuni at hava tjóðarmerkið, kongsmerkið ella partar av tí á myntunum.
/Ritzau/
