Tað segði hann av Fólkatingsins talarastóli fyri løtu síðani.
– Eg havi í gjár boðað hennara hátign drotningini frá, at val verður skrivað út til Fólkatingið, sigur hann.
– Eg vil fegin brúka allan mín vilja, øll míni evni og allar mína royndir til framyvir at leiða Danmark. Og eg biði danir um afturval á fólkatingsvalinum, sum verður hildið 5. juni, segði forsætisráðharrin.
Harvið verður tað eitt longri valstríð. Fólkatingsvalið verður hildið mikudagin 5. juni, sum er hálvaaðru viku eftir valið til ES-tingið, sum verður 26. mai.
Harvið verður ikki dupultval í Danmark, sum fleiri eygleiðarar høvdu roknað við.
Forkvinnan í Javnaðarflokkinum, Mette Frederiksen, gav í morgun avboð vegna sjúku til eitt kjak millum hana og forsætisráðharran, sum skuldi vera í kvøld.
Grundlógardagur verður hildin at minnast, at danska grundlógin varð samtykt 5. juni í 1849.
/ritzau/
