Stutt eftir klokkan 17 fekk alarmsentralurin eina fráboðan um, at fýra bilar høvdu verið í einum ferðsluóhappi á landsvegnum við Hvalvík.
Vakthavandi á politistøðini í Havn sigur, at tey hava sent fleiri løgreglubilar umframt sjúkrabilar og sløkkilið á staðið, men tey duga enn ikki at siga, hvussu støðan er hjá teimum, sum hava verið við í óhappinum.
Óhappið hevur eisini við sær, at landsvegurin er stongdur bæði suðureftir og norðureftir, og tí eru langar bíðirøðir av bilum á leiðini.
