Fyrsta viðgerð av málinum var tann 2.apríl, og breið undirtøka tykist vera um uppskotið í Føroya Løgtingi.
Ítøkiliga ætlanin hjá fíggjarmálaráðharranum Bárði Nielsen er, at Løgtingið skal heimila ?Fíggingargrunninum frá 1992 at selja upp til 20% av partabrøvum grunsins í P/F Føroya Banka.?
Hetta talið, 20% av partabrøvunum hjá Fíggingargrunninum í Føroya Banka, svarar til umleið 200.000 partabrøv áljóðandi á 100,- krónur.
Fíggjarmálaráðið skjýtur eisini upp, at Fíggingargrunnurin fær heimild til ?at skipa fyri frægasta lutfallinum millum egin- og fremmandakapital í P/F Føroya Banka við niðurskriving av kapitalpørtum grunsins í P/F Føroya Banka samsvarandi fakligari tilráðing frá óheftum ráðgevingarstovni.?
Sosialurin hevur tosað við Bárð Nielsen, fíggjarmálaráðharra, um uppskotið at selja almenn partabrøv í Føroya Banka. Harumframt ger Hermann Oskarsson, búskaparfrøðingur og stjóri á Hagstovu Føroya, óheftar viðmerkingar til uppskotið, og hvørjar avleiðingar tað kann fáa, og hvat møguliga kundi verið gjørt øðrvísi.
Les eisini:
"Fremmandir pengar tryggja vælferðina"
"Fíggjarmálaráðharrin: - Tað almenna skal ikki dríva ein peningastovn"
"Andstøðan úttalar seg"
