Teknirøðin hjá Thor ber heitið Paper Boy. Hon snýr seg um ein drong, ið ber bløð út í grannalagnum, og lív hansara. Thor hevur eitt gott hugflog, og hann dugir at finna uppá stuttligar røðir.
Teknirøðin er ikki ein samanhangandi søga, men er býtt í nógvar smáar røðir, ið spenna yvir eina hálva síðu ella so. Thor sigur, at hann onkuntíð fær íblástur frá sínum egna gerandisdegi og frá ymsum hendingum, hann sjálvur upplivir.
? Teknirøðin snýr seg um drongin og gerandisliga lív hansara. Eg tekni eisini um meg sjálvan onkuntíð, og um tær støður eg komi mær úti, ella um vinir mínar, sigur Thor.
Thor fór undir at gera teknirøðir fyri tveimum árum síðani, men hann hevur altíð fingist við at tekna. Nú hevur hann so givið sína fyrstu røð út. Hon er á enskum máli, men er merkt av kanadiskum vendingum.
Drongurin dylur ikki fyri, at hansara stóra fyrimynd á hesum økinum er Dúnaldur Dunna, sum Carl Barks hevur teknað.
Mangt bendir á, at teknirøðin er væl frágingin. Móðir Thor hevur sett seg í sambandi við Føroya Skúlabókagrunn, sum er áhugaður í at keypa teknirøðina til undirvísing í enskum á byrjunarstøði.
Nú Nunavat fekk heimastýri hevur landið eisini fingið ein sokallaðan løgmann. Hann eitur Paul Okalik, og hann hevur skrivað fororðið til teknirøðina hjá Thor. Løgmaðurin, Okalik, plagdi at ansa eftir Thor, tá hann var yngri.
Nunavat
Thor býr í Nunavut í Kanada.Hesin parturin av Kanada liggur har norðuri í landinum og er einar 2 milliónir ferkilometrar til víddar, men har búgvar bara 30.000 fólk í økinum. Nunavut er umleið ein fimtingur av øllum Kanada.
Nunavut hevur júst fingið heimastýri frá Kanada, og tí er tað ein spennandi tíð at búgva í økinum.
Thor er júst nú heima í Føroyum í frítíðini, men tey fara aftur til Nunavut skjótt. Tey búgva í høvuðsstaðnum, ið eitur Iqaluit, og har búgva eini 5.000 fólk.
Thor er sonur Rannva Erlingsdóttir Simonsen, ið er dóttir navnframa tannlæknan Erling Simonsen, sum í fleiri ár røkti tenn hjá skúlabørnum í Tórshavnar kommunu.
Rannvá er útbúgvin arkitekt og arbeiðir í hesum yrkinum. Harumframt fæst hon við design av kópaskinni og tílíkum. Um summarið plagar familjan at leiga út kajakkir til ferðafólk. Nú tey fara heimaftur skjótt verður hetta tað fyrsta tey fara undir.
Meðan Thor og mamman Rannva hava verið í Føroyum, hava tey sett seg í samband við Bókasøluna, og væntandi verður teknirøðin at fáast til keyps til heystar.
Teknirøðin er ikki bara væl teknað, men søgurnar eru eisini skemtiligar og beinraknar. Tær kunnu lesast av øllum.
Teknirøðin er ikki ein samanhangandi søga, men er býtt í nógvar smáar røðir, ið spenna yvir eina hálva síðu ella so. Thor sigur, at hann onkuntíð fær íblástur frá sínum egna gerandisdegi og frá ymsum hendingum, hann sjálvur upplivir.
? Teknirøðin snýr seg um drongin og gerandisliga lív hansara. Eg tekni eisini um meg sjálvan onkuntíð, og um tær støður eg komi mær úti, ella um vinir mínar, sigur Thor.
Thor fór undir at gera teknirøðir fyri tveimum árum síðani, men hann hevur altíð fingist við at tekna. Nú hevur hann so givið sína fyrstu røð út. Hon er á enskum máli, men er merkt av kanadiskum vendingum.
Drongurin dylur ikki fyri, at hansara stóra fyrimynd á hesum økinum er Dúnaldur Dunna, sum Carl Barks hevur teknað.
Mangt bendir á, at teknirøðin er væl frágingin. Móðir Thor hevur sett seg í sambandi við Føroya Skúlabókagrunn, sum er áhugaður í at keypa teknirøðina til undirvísing í enskum á byrjunarstøði.
Nú Nunavat fekk heimastýri hevur landið eisini fingið ein sokallaðan løgmann. Hann eitur Paul Okalik, og hann hevur skrivað fororðið til teknirøðina hjá Thor. Løgmaðurin, Okalik, plagdi at ansa eftir Thor, tá hann var yngri.
Nunavat
Thor býr í Nunavut í Kanada.Hesin parturin av Kanada liggur har norðuri í landinum og er einar 2 milliónir ferkilometrar til víddar, men har búgvar bara 30.000 fólk í økinum. Nunavut er umleið ein fimtingur av øllum Kanada.
Nunavut hevur júst fingið heimastýri frá Kanada, og tí er tað ein spennandi tíð at búgva í økinum.
Thor er júst nú heima í Føroyum í frítíðini, men tey fara aftur til Nunavut skjótt. Tey búgva í høvuðsstaðnum, ið eitur Iqaluit, og har búgva eini 5.000 fólk.
Thor er sonur Rannva Erlingsdóttir Simonsen, ið er dóttir navnframa tannlæknan Erling Simonsen, sum í fleiri ár røkti tenn hjá skúlabørnum í Tórshavnar kommunu.
Rannvá er útbúgvin arkitekt og arbeiðir í hesum yrkinum. Harumframt fæst hon við design av kópaskinni og tílíkum. Um summarið plagar familjan at leiga út kajakkir til ferðafólk. Nú tey fara heimaftur skjótt verður hetta tað fyrsta tey fara undir.
Meðan Thor og mamman Rannva hava verið í Føroyum, hava tey sett seg í samband við Bókasøluna, og væntandi verður teknirøðin at fáast til keyps til heystar.
Teknirøðin er ikki bara væl teknað, men søgurnar eru eisini skemtiligar og beinraknar. Tær kunnu lesast av øllum.
