Í eini roynd at røkka út í heim við føroyskari list, skipar bólkurin List í London fyri eini framsýning í London í mai í ár.
? Av tí, at hetta er at bróta upp úr nýggjum, hava vit í fyrstu syftu valt at fara út við einum listarfólki, í hesum førinum við verkum av Amariel Norðoy, sigur Eyðu Waagstein, sum er projektleiðari.
Í samstarvi við føroysku sendistovuna í London, er komið fram til eitt gallarí í Wimbledon Village, Wimbledon Fine Art, www.wimbledonfineart.com
Amariel Norðoy og Eyðun Waagstein vóru 20. mars til eina fernisering, og til samráðingar við eigaran av gallarínum, Andrew Stoppani. Ein avtala við hetta gallarí er komin undir land. Framsýningin verður 22. mai og tvær vikur fram.
Ein avtala er gjørd millum Sendistovuna og Scandinavian Magazine um at hava eina grein um átakið í mai-útgávuni av blaðnum. Harafurat koma tíðindafólk frá blaðnum til Føroyar í summar. Ætlanin hjá Scandinavian Magazine er so at gera eina greinarøð á 26-27 síður um føroyska mentan, vinnulív og ferðavinnu. Hetta verður til desemberútgávuna hjá Scandinavian Magazine.
