Faroe Petroleum boðar frá, at felagið hevur keypt 14 % av norska leitiloyvinum
PL289 frá Gaz de France Norge. Á loyvinum er stóra prospektið Marsvin, sum ætlandi
skal borast í apríl mánaða í ár.
Loyvið PL289 liggur á markinum millum Noregi og Danmark, og nær við loyvi PL147.
Trym gasskeldan er á hesum loyvi, sum væntandi verður útbygd til framleiðslu.
Faroe Petroleum keypti fyri stuttum 10% av hesum loyvi frá Shell.
Umframt Marsvin, sum er eitt oljuprospekt, eru tvey onnur prospektir á loyvinum, og
liggja øll hesi nær við Trym.
Hini oljufeløgini, sum eiga PL289 eru Dong Energy (40%), Talisman (30%) og Gaz de
France 16%. Dong Energy er fyristøðufelag.
Marsvin prospektið verður borað á norskum øki, og er tað boripallurin Mærsk
Guardian, sum skal bora.
Dy?pið er bert 65 metrar, og tað fer at taka umleið 60 dagar at bora niður á ta
væntaðu oljukelduna.
Keypið av PL289 er í tráð við strategi felagsins, sum er at byggja eina portifølju av
virðisskapandi loyvum á norskum øki, og at luttaka í boringum av munagóðum
brunnum.
Faroe Petroleum hevur nú 11 loyvir í Noregi.
Avtalan er treytað av góðkenning frá avvarandi myndugleikum, eins og
oljufeløgunum, sum eiga í loyvinum.
