Faxe Kondi: Inga Maria tryggjaði H71 sigurin beint undan dystarloki

Ein dystur var í kvøld leiktur í bólki 1 í Faxe Kondi kappingini hjá kvinnum.

Í einum sera jøvnum dysti eydnaðist tað H71 at vinna 31-30 á VÍF í Hoyvíkshøllini. Sigursmálið skoraði Inga Maria Joensen tá átta sekund vóru eftir. 

Í steðginum var H71 á odda 17-13. Tá hálvurtriði minuttur var eftir var H71 á odda 30-27, men tað eydnaðist vestmannakvinnum at koma upp á javnleik 30-30, men á í seinastu løtu fór H71 við sigrinum.

Elsa Egholm var toppskjútti hjá H71 við 10 málum. Agnas Funn var toppskjútti hjá VÍF við níggju málum. 

Í tí triðja og seinasta umfarinum, ið verður leikt 6. desember tekur H71 móti Stjørnuni í Hoyvíkshøllini. Sama kvøld tekur VÍF móti EB í høllini í Vestmanna.

HER ber til at síggja dómaraseðilin frá HSF:

##med2##