Finnur Justinussen heldur fram í Fremad Amager. Fyrrverandi áleyparin hjá Víkingi skifti farna summar til danska felagið, og heldur fyribils fram til í summar.
Les eisini:John "Faxe" elskar Heina Vatnsdal
- Vit hava verið í samráðingum við Fremad Amager og John ”Faxe” Jensen, og eru komin ásamt um at leingja samstarvið til í summar. Bara undirskriftin manglar, sigur Hans Jacob á Líknargøtu, umboðsmaður hjá Finni Justinussen.
Finnur Justinussen er fluttur til Danmarkar í útbúgvingarørindum, og hevur spælt við Fremad Amager síðani, har hann er liðfelagi við Christian L. Holst og Heina Vatnsdal, har seinn nevndi hevur somuleiðis longt sáttmálan.
