Tað er hávetur, og veðrið hevur verið hareftir. Eisini á leiðini við Bornholm hevur verið støðugt nógvur vindur í vetur. Men, eisini um veturin er tað soleiðis, at tað stillir av í løtum.
Eina slíka løtu fór danin, Flemming Svowman, sær ein túr við báti sínum og tráðuni, og henda dagin var hann heppin. Hann fekk ein flottan laks, sum vigaði 13,31 kilo - ella stívliga 26 pund.
Tað er www.fiskeavisen.dk sum ber hesi tíðindi, og lagt verður aftrat, at stóri laksurin varð veiddur millum jól og nýggjárs á einari av "klassisku" laksaleiðunum við Bornholm.
