Leygardagin er triðja og síðsta umfar í ársins heystkapping í Ódnartøkum. Róð verður í Runavík og róðrarnir byrja klokkan 13. Róðrarnir eru deildir upp í tríggjar riðlar, við trimum bátastøddum í hvørjum riðili. Fyrireikararnir vænta at tað tekur umleið tveir tímar at avgreiða.
Eftir róðaranar verða heiðursmerkir handaði í neystinum hjá NSÍ. Eisini vinningurin til vinnaran í liðkappingini, sum er kr. 5.000 til eitt trivnaðartiltak verður latin av KBI í Klaksvík.
Róðrarfelagið Knørrur 2 er á odda í liðkappingini við einum stigi, beint frammanfyri Argja Róðrarfelag. Argja Róðrarfelag er manna av 8-mannafarinum Argabátinum og barnamanningunum hjá bæði dreingjum og gentum á Teistanum. Róðrarfelagið Knørrur 2 er mannað av barnamanningunum Jallinum og Píli og 10-mannafarinum Ormurin Langi.
Róðrarfelagið Knørrur 2 var fremst við tveimum stigum eftir fyrsta umfar, men Ormurin Langi var ikki við í øðrum umfarið. Her róði gamli Ormurin Langi, Kongurin, og vann allar róðrarnar, men til frama fyri kappingina hava fyrireikararnir og Róðrarfelagið Knørrur í sátt og semju valt at strika stigini, ið Kongurin fekk. Tískil er nú bert eitt stig á muni, í staðin fyri 5, sum annars var kunngjørt.
Støðan í liðkappingini sær soleiðis út:
Róðrarfelagið Knørrur 2 – 14 stig
Argja Róðrarfelag – 13 stig
Havnar Róðrarfelag 3 – 12 stig
Róðrarfelagið Knørrur – 9 stig
Havnar Róðrarfelag 1 – 9 stig
Havnar Róðrarfelag 2 – 8 stig
Støðan í teimum ymsu bátastøddunum er hendan:
Barnaróður gentur
Havfrúgvin – 14 stig
Pílur – 12 stig
Beinta – 10 stig
Sílið – 8 stig
Barnaróður dreingir
Jallurin – 13 stig
Drekin – 13 stig
Sílið – 10 stig
5-mannafør gentur:
Falkur – 14
Drekin – 12
Sílið – 9
Blikur – 5
5-mannafør dreingir
Kollur – 13 stig
Teistin – 12 stig
Sílið – 11 stig
Jallurin – 9 stig
Ritan – 3 stig
5-mannafør kvinnur
Teistin – 14 stig
Drekin – 11 stig
Ritan – 6 stig
Beinta – 4 stig
6-mannafør menn
Rádni – 7 stig
Sundabáturin – 6 stig
6-mannafør kvinnur
Sundabáturin – 14 stig
Skúgvur – 6 stig
Fortuna – 6 stig
Gongurálvur – 5 stig
8-mannafør
Knørrur – 14 stig
Argjabáturin – 12 stig
Miðvingur – 5 stig
Heiðabáturin – 4 stig
10-mannafør
Kongurin – 11 stig
Havnarbáturin – 11 stig
Klaksvíkskingur – 7 stig
Ormurin Langi – 6 stig
Hvítravnur – 5 stig
Sum nevnt verður síðsta umfar í Runavík leygardagin klokkan 13. In.fo fylgir róðrinum.
