Á einum veljarafundi varð nógv tosað um grøna orkuskiftið. Tað er eitt týdningarmikið mál, og øll ynskja vit meira orku – so grøna sum gjørligt. Men samstundis mugu vit minnast til, hvat vit longu hava bygt upp í Føroyum.
SEV er ein solidarisk skipan, sum allir føroyingar eiga í felag.
Hon hevur í ára tíggju tryggjað, at fólk kring alt landið hava fingið streym fyri ein rímiligan prís. Tað eigur hon framvegis at gera. Tí skulu vit vera greið: Fingrarnar vekk frá SEV.
Tað merkir tó ikki, at vit ikki skulu menna orkuframleiðsluna.
Tvørturímóti, eru góðir møguleikar á framleiðslusíðuni – til dømis við vindmyllum og øðrum verkætlanum.
Har kunnu privatar fyritøkur sleppa at bjóða uppá framleiðslu, so vit fáa meira orku. - Men fyri søluna úti í hinum endanum, má tað altíð vera møguleiki hjá kundanum at keypa beinleiðis frá SEV, og ikki einum millum liði, ið skal ogna sær krónur inn tann vegin.
Eisini er tosað um verkætlanir, so sum Eysturlund, myllur hjá Hiddenfjord, o.a. - Tað hevur Sambandsflokkurin eina loysn uppá.
Málið má vera greitt: nógv orka, so grøna sum gjørligt, tá tað loysir seg – og fyri ein skynsaman prís, sum øll kunnu gjalda.
Haraldur Símunarson Hammer
Sambandsflokkurin
