Eg bleiv skakkur, tá ið eg fekk tíðindini í morgun um, at Finnbogi var farin. Hann fór á alt ov ungum aldri, og eg vil siga mína samkenslu til Ásu og familjuna, sigur Jógvan Sundstein, fyrrverandi løgmaður.
Eg og Finnbogi hava arbeitt nógv saman í politikki. Eg kom í løgtingið í 1970, og hann var komin inn fýra ár frammanundan. Vit arbeiddu saman í tinginum, og í 1975 vóru vit við til at skipa nýtt landsstýri, sum var nýskapandi í føroyskum politikki.
Eg minnist Finnboga sum ein dugnaligan politikara. Hann var álitismaður, og hóast vit ikki altíð vóru samdir um alt, so bar tað altíð til at tosa við hann um tingini. Hann var góður at samstarva við.
Eg hava bara gott at bera honum, og tíverri er hann farin alt ov ungur, sigur Jógvan Sundstein.
