Plátuverkstøðini, Fixa og Prolakk, sum umvæla bilskaðar, hava nú lagt saman.
Í samband við samanleggingina eru broytingar gjørdar í eigaraskarðanum.
Eigarar av Fixa eru nú Eyðun Berg, Bilasølan og Dánjal Jákup Joensen. Eyðun er stjóri, og Dánjal Jákup er dagligur leiðari.
Fixa flutti í nýggj høli á Hjalla í oktober í 2020. Alt virksemi verður nú í nýggja bygninginum á Hjalla 34.
Fixa hevur verið í meinning seinastu árini og leggur seg eftir at veita skaðaumvælingar á høgum støði. Bæði tá ræður um góðsku og skjótleika.
Fyritøkan umvælir øll bilmerki og er umboðandi plátuverkstaður fyri Berg Motors, Nordcar, Bilrøkt, Norðbil og nú eisini Bilasøluna.
- Hóast Bilasølan nú er við í eigaraskarðanum, so verður Fixa framhaldandi óheftur verkstaður til gagns fyri allar bilasølunar, siga eigararnir av samanløgdu fyritøkuni.
