Í dag eru í minsta lagi trý fólk - ein kvinna og tvey børn - deyð í einum russiskum rakettálopi á íbúðarbygning í einari bygd í Kherson-regiónini.
Tað upplýsa ukrainskir myndugleikar í dag. Lagt verður aftrat, at lopið varð á bygdina, Ponjativka.
Í dag hava ein kvinna og ein maður eisini latið lív í Kharkiv-regiónini, tá bilurin, tey koyrdu í, varð raktur í russiskum álopi.
Týsdagin lupu russar eisini á ein íbúðarbygning í býnum, Zaporizjzja, sum er bygningurin á myndini ovast. Talið av deyðum eftir álopið er nú komið upp á 13.
Tað er tíðindastovan NTB, sum ber hesi tíðindi frá ukrainskum myndugleikum í dag.
