Tað er sjáldsama tætt í toppinum í næstbestu fótbóltsdeildini. Fýra lið hava 12 stig, og tvey lið hava 10 stig. Fleiri av toppliðunum bresta saman seinnapartin.
Í upprunaliga yvirlitinum stendur, at sandoyingar skuldu vitja á Tvøroyri, men tann dysturin verður á Sandi. Bæði B71 og TB hava tólv stig.
Saman við teimum báðu omanfyri nevndu verður VB/Sumba roknað millum favorittarnar at flyta upp. Avbjóðingin hjá VB/Sumba verður stór seinnapartin, tá ið mótstøðuliðið í Gundadali verður HB.
Einastu liðini, sum ikki hava vunnið, eru Skála og MB. Hesi bæði hittast á Skála í dag.
Í dag
Skála-MB: Andreas Josephsen kl. 16.00
B71-TB: Lars Müller kl. 15.00
NSÍ-Víkingur: Alex Troleis kl. 17.00
HB-VB/Sumba: Høgni Hansen kl. 15.00
B68-FC Hoyvík: Birgir Sondum kl. 15.00
B68, B71, VB/Sumba og TB 12
HB og FC Hoyvík 10
NSÍ 6
Víkingur 5
Skála og MB 1
