Føroysku flogbóltskvinnurnar spældu í gjár fyrsta dystin í EM-undankapping. Dysturin var móti nummar tíggju í heimum, Kroatia. Kroatia vann dystin 3-0, men tað eru tekin í settúrslitunum, at føroysku kvinnurnar kunnu koma heim aftur við stoltleika.
Føroyska liðið megnaði nevniliga at vinna fleiri bóltar í hvørjum setti. Tað byrjaði við 25-8 í fyrsta setti, sum bleiv til 25-10 í øðrum setti og tað endaði við 25-15 í triðja setti. Hetta er fyrsta royndin í EM-samanhangi og tí væl lov til at brúka orðingina ”heiðurligt tap” og ”við fyri at læra”.
Flogbóltssambandið hevur tikið stóra fetið út í verð, og hóast talan er um tap, so er tað við stórum spenningin, at flogbólturin nú fer á flog í teimum stóru altjóða kappingunum.
EM-undankapping:
Kroatia – Føroyar, kvinnur: 3-0 (25-08, 25-10, 25-15)
