Umleið 200 fólk lótu lív, tá eitt brasilskt innanríkisflogfar datt niður í gjárkvøldið Brasilsku myndugleikarnir siga, at flogfarið skuldi júst seta seg í Congonhas-floghavnini uttan fyri Sao Paulo, tá tað fór á glið á teirri vátu lendingarbreytini. Flogfarið rendi á eina bensinstøð og síðani á eini hús.
176 ferðafólk vóru í flogfarinum, og myndugleikarnir siga, at vanlukkan hevur kravt umleið 200 mannalív.
Flogfarið var av slagnum Airbus-320, og tað var eitt brasilskt felag, sum átti tað.
