B68 boðar í kvøld frá, at felagið hevur skrivað undir sáttmála við spælara, sum higartil bara hevur umboðað NSÍ.
Talan er um 20 ára gamla Teitur Knudsen, sum tvey tey næstu árini fer at spæla í reyða og svarta B68 búnanum.
Sambært FaroeSoccer hevur Teitur Knudsen spælt fimm dystir í bestu deildini, ein dyst í kappingini um løgmanssteypið, har hann hevur skorað eitt mál, 78 dystir í næstbestu deildini, har hann hevur skorað trý mál, og 44 dystir á U-21 liðnum, har hann hevur skorað fimm mál.
