Tveir av teimum, ið reportarin hjá FM1, Petur Asbjørn Lervig fekk orðið á aftaná 0-2 tapið fyri Eysturríki á Tórsvølli vóru Jóannes Bjartalíð sum kom á vøllin tá 68 minuttir vóru farnir av dystinum, og René Shaki Joensen sum var við frá dystarbyrjan. René fekk eitt gult kort, og tí er hann leikbannaður til HM-undankappingardystin móti Skotlandi á Tórsvølli týskvøldið klokkan 19.45.
Jóannes Bjartalíð er glaður fyri at fáa møguleikan at royna seg fyri landsliðið aftur, men hann er ikki heilt nøgdur við egið avrik.
René Shaki Joensen heldur, at teir áttu at havt gagnnýtt málmøguleikarnar teir høvdu í fyrra hálvleiki. Shaki heldur ikki, at kenslan er so góð um sjálvt úrslitið, men á jaligu síðuni kann staðfestast, at liðið var væl við stóran part av dystinum.
Á ljóðfíluni omanfyri ber til at hoyra samrøðurnar við Jóannes Bjartalíð og René Shaki Joensen.
HER ber til at hoyra samrøðuna Petur Asbjørn gjørdi við debutantin, Hannes Agnarsson.
HER ber til at hoyra samrøðurnar Petur Asbjørn gjørdi við Brand Hendriksson Olsen og Ára Mohr Jónsson.
Føroyar – Eysturríki 0-2 (0-1)
0-1: Konrad Lainer 26.
0-2: Marcel Sabitzer 48.
Føroyar: Teitur Matras Gestsson – Gilli Rólantsson Sørensen, Odmar Færø (Klæmint A. Olsen, 68.), Sonni Ragnar Nattestad, Viljormur Davidsen (Hannes Agnarsson, 68.) – René S. Joensen (Jóannes Bjartalíð, 68.), Gunnar Vatnhamar, Brandur Hendriksson Olsen, Hallur Hansson, Ári Mohr Jónsson – Jóan Símun Edmundsson (John Frederiksen, 86.)
Á beinkinum uttan at verða skiftir inn: Gunnar Nielsen, Mattias Heðinsson Lamhauge, Heini Vatnsdal, Hørður H. Askham, Jóannes K. Danielsen, Tróndur Jensen, Petur Knudsen
Gult kort: Odmar Færø, René Shaki Joensen, Viljormur Davidsen
Venjari: Håkan Ericson
Hjálparvenjari: Eli Hentze
