##med2##
Børge Barclay Hansen sum hevur tikið mong tøk fyri Tórsvøll og fyri Fótbóltssamband Føroya er spentari enn tey flestu uppá dystin móti Skotlandi í kvøld.
Børge vitjar í Skotlandi á hvørjum ári. Mamma hansara, Margaret var úr Skotlandi, og tí er Skotland annað heimlandið hjá Børga.
Men tá valið stendur millum Føroyar og Skotland er Børge ikki í iva. Hann heldur fyrst og fremst við Føroyum, men aftaná Føroyar stuðlar hann Skotlandi móti øðrum fótbóltstjóðum.
Á ljóðfíluni omanfyri ber til at hoyra samrøðuna Petur Asbjørn Lervig gjørdi við Børga Barclay Hansen undan dystinum á Tórsvølli í kvøld.