FM1 sigur frá øllum heimadystunum hjá teimum føroysku liðunum, ið spæla dystir í Europa League og Champions League undankappingini.
Í kvøld klokkan 19 spælir føroyska meistaraliðið, Víkingur ímóti finska meistaraliðnum, HJK Helsinki á Svangaskarði á Toftum. Talan er um ein dyst í fyrsta undanumfarinum í Champions League kappingini.
Sambært altjóða veddingarfyritøkum er HJK greiður favorittur, men Víkingur hevur mangan framt góð avrik í evropeiskum kappingum.
Hilmar Jan Hansen sigur frá dystinum á FM1. Sendingin byrjar klokkan 18.50.
Øll kunnu lurta við á www.midlar.fo, og annars á FM 88,7, FM 91,7, FM 93,9, FM 95,5 og FM 98,7.
In.fo fer at hava beinleiðis tekstfrásøgn frá dystinum. Samanumtøka og ljóðsamrøður koma út á in.fo tá dysturin er liðugur.
