Norðoya Fólkafloksfelag boðar í kvøld frá, at felagið hevur havt triðja og seinasta uppstillingarfund, og sostatt er endaligi listin hjá felagnum til løgtingsvalið klárur.
Á listanum eru fýra nøvn. Tríggir menn og ein kvinna stilla upp, harav trý teirra hava bústað í Klaksvík.
Ikki óvæntað, so eru bæði løgtingsfólkini hjá flokkinum í Norðoyggjum, Jákup Mikkelsen og Elsebeth Mercedis Gunnleygsdótti, á listanum.
Hini bæði valevnini eru kend frá lokalpolitikki í Norðoyggjum.
Eyðstein Poulsen er í løtuni býráðslimur í Klaksvíkar Býráð. Hetta næstu ferð, at hann stillar upp til løgtingsval.
Síðstu persónurin á listanum er Hans Jákup Kallsberg, borgarstjóri á Viðareiði. Hetta er fyrstu ferð at Hans Jákup Kallsberg er uppstillaður til løgtingsval.
