HM-endaspælið í Russlandi verður hósdagin skotið í gongd, tá Russland og Saudi Arabia bresta saman í sokallaða opningsdystinum í endaspælinum.
Í endaspælinum eru 32 lond, sum fara at kappast næstu vikurnar um, hvat land í heiminum er best til at spæla fótbólt.
Og útfrá tølunum, ber til at finna ávísar favorittar. Í øllum førum Football Observatory í gjár út við einum áhugaverdum lista um, hvussu virðismiklir teir ymisku hóparnir eru til endaspælið. Har sæst at tey bæði europeisku londini, Frakland og Ongland, hava virðismiklastu hóparnar.
Eisini sæst, hvørjir leikarar eru hægst virðismettir. Til HM-endaspælið er Harry Kane tann leikarin, sum verður virðismettur hægst. Harry Kane verður virðismettur til at kosta áleið 1,5 milliard krónur. Síðani koma Neymar og Kylian Mbappé, ið ávikavist vera virðismettir at kosta 1,45 milliard krónur og 1,40 milliard krónur.
Nummar fýra á listanum er Lionel Messi. Lionel Messi hevur eitt virði á 1,35 milliard krónur. Nógv longur afturi á listanum kemur Cristiano Ronaldo. Cristiano Ronaldo verður mettur at hava eitt virði á 760 milliónir krónur.
Virðið av hópum til HM-endaspælið:
1. Frakland – 10,47 milliard krónur.
2. Ongland – 10,30 milliard krónur.
3. Brasil – 9,46 milliard krónur.
4. Spania – 7,17 milliard krónur
5. Argentina – 6,75 milliard krónur
6. Týskland – 6,65 milliard krónur
7. Belgia – 6,21 milliard krónur
8. Portugal – 4,87 milliard krónur
9. Uruguay – 3,94 milliard krónur
10. Kroatia – 3,09 milliard krónur
11. Danmark – 2,54 milliard krónur
12. Senegal – 2,38 milliard krónur
13. Serbia – 2,26 milliard krónur
14. Pólland – 2,18 milliard krónur
15. Kolumbia – 2,07 milliard krónur
16. Sveis – 1,82 milliard krónur
17. Egyptaland – 1,72 milliard krónur
18. Nigeria – 1,42 milliard krónur
19. Meksiko – 1,14 milliard krónur
20. Svøríki – 1,13 milliard krónur
21. Marokko – 1,02 milliard krónur
22. Russland – 979 milliónir krónur
23. Suður Korea – 912 milliónir krónur
24. Ísland – 591 milliónir krónur
25. Japan – 456 milliónir krónur
26. Peru – 439 milliónir kronur
27. Australia – 430 milliónir krónur
28. Tunesia – 430 milliónir krónur
29. Kosta Rika – 363 milliónir krónur
30. Iran – 295 milliónir kronur
31. Saudi Arabia - 152 milliónir krónur
32. Panama – 109 milliónir krónur
