Verandi íslandsmeistararnir, Fram við Dánjali Ragnarssyni á liðnum máttu fríggjakvøldið lúta fyri FH í heimadysti í bestu íslendsku hondbóltsdeildini.
FH vann 30-28 í høllini í Úlfarsárdali. Í steðginum var FH á odda 17-14.
Hesaferð gjørdist talan um tvey mál hjá Dánjali.
Fram er nummar átta í deildini við 10 stigum. Teir hava átta stig upp til fremstu liðini, Haukar og Val sum hava 18 stig hvør.
Týsdagin klokkan 17.45 spælir Fram seinasta dystin í bólki D í EHF European League. Dysturin verður á útivølli móti norska liðnum, Elverum.
