Tað er staðfest, at føroyingaliðið, Bryne vann seg víðari frá tí fyrsta uppflytingardystinum móti Start Kristiansand á útivølli, har heimaliðið forsømdi at tendra hitan undir vøllinum.

Kleyvarskapurin fekk stórar fylgjur fyri Start, ið vóru dømdir at tapa dystin 0-3. 

Bryne er sett at spæla móti Kristiansund á útivølli komandi mikukvøld klokkan 18, men nú skrivar VG, at frostur aftur argar.

VG skrivar, at tað eru ikki alt hitakervið hjá Kristiansund sum ikki riggar til fulnar, og tí er møguleiki fyri, at liðini mugu spæla dystin í Aalesund. 

Í Kristiansund hava teir sum hava ábyrgd av vøllinum tendrað fyri hitanum undir vøllinum, men partur av vøllinum eru framvegis frystir, og tí fer frosturin at órógva ein dyst á vøllinum.

Sambært VG koma dómararnir til Kristiansund longu týskvøldið, og tá fellir avgerðin um dysturin má flytast til Aalesund.

Vinnarin av dystinum millum Kristiansund og Bryne skal spæla á útivølli móti Kongsvinger um rættin at spæla Play Off dystir móti triðniðasta liðnum í bestu norsku fótbóltsdeildini. 

So vegurin hjá Noah, Rógva og liðfeløgunum til uppflyting er langur, men teir fara sjálvandi eftir tí møguleikanum teir hava.