Bygt verður fyri 100 tals milliónir. Fleiri av skúlunum, sum nú verða uppdateraðir, eru ikki eldri enn frá seint í 70unum.
Til dømis kunnu nevnast skúlarnir á Eiði, Skála, Toftum og Runavík. Hesar kommunur hava tikið stór tøk á skúlaøkinum.
Strendur, Gøta og Leirvík hava sum fyrsta punkt á dagsskránni uppdatering av skúlaviðurskiftunum. Hesir skúlarnir eru eisini rímuliga nýggir allir samlir.
Í Fuglafirði hava vit eina fasta mannagongd.
Vit plaga at pjøssa upp á eitt gamalt ótíðarhóskandi umhvørvi.
Vit eru eisini serkøn í fyribylsloysnum.
Ein lítil verulig nýgerð er tó framd seinastu 50 árini, henda nýgerð kostaði uml. 14 milliónir.
Eiga vit ikki at drýpa høvur í skomm, heldur enn at reypa okkum av eini nýgerð upp á 14 mill. í 50 ár.
Nú verður enn einaferð stungið út í kortið.
Gamli skúli, sum skjótt verður 80 ára gamal, verður pjøssaður. Hettar gamla læsafarið skal enn einaferð verða atvoldin til, at verulig skúlabygging, verður útsett, og framtíðarætlanirnar sum stungnar vóru út í kortið skulu brúkast sum veggjapríði - prýtt við tómum lyftum.
Meira er at lesa á heimasíðuni HYPERLINK "http://www.fuglafjordur.com/"www.fuglafjordur.com
