Løgreglan sóknast nú eftir vitnum til eina hending, sum fór fram í Eysturbýnum í Havn hóskvøldið ella fríggjanáttina.
Tá varð ein ungur maður, um 20 ára aldur, funnin vitleysur klokkan fýra fríggjamorgunin á krossvegnum við Djóna í Geilgøtu og Bókbindaragøtu.
Hann hevði skaða í andlitinum og er lagdur á sjúkrahús. Løgreglan sigur, at maðurin er um 20 ára gamal og var í svartari hettutroyggju, svørtum buksum og hvítum skóm.
Áðrenn hann var funnin á gøtuni við ongum viti, varð hann seinast sæddur uttanfyri Hotel Brandan umleið klokkan 01 30.
Løgreglan veit ikki hvat er hent og tí sóknast tey eftir vitnum sum kanska vita nakað um, hvat kann vera farið fram frá tí at hann varð sæddur við Hotel Brandan, til hann varð funnin við ongum viti í Djóna íGeil Gøtu.
Tey, sum vita nakeð, kunnu venda sær til løgregluna.
