Fýra partrolarapør eru til fiskiskap. Skipini fiska upsa og annan hvítfisk, serliga longu, hýsu og tosk.
- Fiskiskapurin eftir upsa er smáligur, vita tey á Fiskamarknaði Føroya at siga, og soleiðis hevur verið leingi.
Í løtuni eru tríggir djúpvatnstrolarar til fiskiskap. Teir fiska mest svartkalva, kongafisk, og onkur fær nakað av blálongu.
- Allir djúpvatnstrolararnir koma inn at landa í vikuni.
Av teimum smáu trolbátunum, eru fimm til fiskiskap í løtuni. Allir uttan hin eini koma inn at landa fyrst í vikuni.
- Trolbátarnir fáa mest av hýsu og so nakað av toski og flatfiski.
Fýra garnaskip eru eisini til fiskiskap. Tvey fiska svartkalva, og tvey fiska havtasku.
- Garnaskipini hava brúkiligan fiskiskap, og øll koma inn at landa í vikuni sum kemur, verður lagt aftrat.