Gongur tað sum tey bæði, Vibeke og Aksel á Botni ætla, so fer sjónleikur at verða spældur í Sandvík einaferð í framtíðini.
Tey arbeiða nevniliga við at seta upp ein sjónleik í bygdini. Avbjóðingin er nú at finna leikarar til hesa verkætlanina.
Á Suðuroyarportalinum hava tey tí sóknast eftir ungum sjónleikahugaðum fólkum, sum kunnu spæla við í hesum leikinum.
Hava fólk áhuga fyri hesum, kunnu tey venda sær til Vibeku á tlf. 220065.
