Dansibandsfestivalurin 2021 gjørdist tann størsti og nógv tann besti nakrantíð.
Tað siga fyriskipararnir nú, ársins festivalur er farin framvið.
– Smílandi andlit í stórt hundrað-tali frá fyrstu løtu til festivalurin endaði siga nógv - og eru okur takksom fyri stóra stuðulin, verður sagt.
– Ikki minst eru okur takksom fyri hjálpina frá stóru fjøldini, sum hjálpti til í døgunum áðrenn festivalin, meðan festivalurin var og í døgunum eftir festivalin.
Dansibandsfestivalur verður aftur í Vági í døgunum 6. og 7. mai komandi ár, og í næstum verður meiri at frætta um bæði orkestur, billettsølu, sølu av kampingplássum og annað.