Real Betis boðar í dag frá, at verjuleikarin hjá teimum, tann bara 23 ára gamli Miki Roque, hevur tapt dystin móti krabbamein og er deyður.
Miki Roque fekk staðfest krabbamein í mars mánaði í fjør. Hann spældi sum yngri við enska felagnum Liverpool, áðrenn hann í 2009 skifti til Real Betis.
«Real Betis leikarin, Miquel Farrero Miki Roque, andaðist í dag á Instituto Dexeus de Barcelona sjúkrahúsinum 23 ára gamal, skrivar heimasíðan hjá spanska felagnum.
Miki Roque spældi ein dyst fyri besta liðið hjá Liverpool, tá hann bleiv skiftur inn í einum Champions League dysti móti Galatasaray í 2006. Miðverjin náddi eisini at spæla tríggjar U19 landsdystir fyri Spania.
